Candidatura

Inicio Candidatura
Santiago Rocha

Santiago Fernández Rocha

Candidato á Alcaldía

Traballarei arreo para que LUGONOVO contribúa a ser o froito do espertar dunha sociedade, hoxe traicionada pola actitude complacente da maioría dos seus representantes coa inxustiza, a corrupción e o deterioro dos valores democráticos.

Traballarei arreo para que as nosas propostas sexan o motor da rexeneración política na nosa cidade e permitan que a cidadanía volte a crer nos seus representantes e nas súas Institucións públicas.

Traballarei arreo para que sexamos o xerme dunha nova forma de facer política, máis participativa, máis transparente e máis comprometida coas necesidades da maioría da xente, pero tamén co progreso e os valores da galeguidade.

Traballarei arreo para que LUGONOVO sexa a cidadanía facendo política.

É O MEU COMPROMISO.

 

Cristina Pérez Herraiz

Cristina Pérez Herraiz

Número 2

Vou impulsar a participación cidadá real. Hei defender o establecido no noso programa político e traballar como auténtica representante do pobo. O que máis me preocupa: o paro e a precariedade laboral, cuestións que coñezo moi de preto. Quero un Lugo con futuro para a súa mocidade e presente para todos. Unha cidade que respete ás persoas, o medioambiente e a nosa cultura. Un Lugo onde sexa fácil vivir en igualdade e integración social. Un Lugo máis xusto e para todos.

Iñaki García Gómez

Iñaki García Gómez

Número 3

Unha política sensible c@s mais desfavorecid@s, una renda básica municipal, outra cidade que respete o medio ambiente, sostible, cun urbanismo racional, enmarcada nas cidades verdes e con servizos públicos de calidade. Estas son as miñas motivacións para estas primarias de Lugonovo.

Mª Soledad López Ares

Mª Soledad López Ares

Número 4

A insoportable situación actual esixe mais que nunca una nova forma de facer politica, e isto tamen creo que o comparte moita, ou case toda a xente, ainda que moita teña perdido a confianza e mesmo a esperanza.
Pode parecer tarde para dar este paso, pero parafraseando o cantautor Leon Gieco quero “Que la reseca muerte no me encuentre […] sin haber hecho lo suficiente”

Xabier I. Villares Naveira

Xabier I. Villares Naveira

Número 5

Como a tanta outra xente da miña xeración, o tsunami desta crise e da estafa que a acompaña tenta arrastrarme lonxe da miña cidade. A falta de oportunidades é unha realidade palpable en todo o país, e compre poñer os servizos das entidades locais ao servizo da creación de emprego e da cobertura das necesidades básicas da cidadanía. Por iso precisamos un cambio!

Victoria Esteban Riesco

Victoria Esteban Riesco

Número 6

Comprometida coa escola pública, teño participado en mobilizacións das plataformas en defensa do ensino e sanidade públicos, da lingua galega e do medio ambiente. Colaborei na organización de Lugo en Común e na de Lugonovo, co obxectivo de representar no Concello á maioría dos cidadáns cunha nova forma de facer política ao servizo das persoas.

Elías Pérez Sánchez

Elías Pérez Sánchez

Número 7

Participei no debate cultural e no activismo social, reivindicando unha morte digna e o dereito a vivir e traballar coa mesma dignidade de cidadáns. Home de esquerda e galeguista, creo nos proxectos cooperativos de unidade popular, e así participei desde o comenzo en Gañemos Lugo e Lugo en Común a prol da converxencia das dúas iniciativas en Lugonovo. Preséntome porque creo en Lugo como un espazo de convivencia entre cidadáns que cómpre ser administrado desde a honestidade e a transparencia políticas.

Victor Andrés Álvarez Arias

Victor Andrés Álvarez Arias

Número 8

A miña vida laboral comeza nunha explotación hortícola e, dende hai máis de 20 anos, desenvolvo o meu traballo na Consellería de Medio Rural.
A miña traxectoria sempre estivo vencellada ás zonas rurais, dende as áreas de montaña (onde traballei 12 anos) ata a xestión de programas de infraestruturas na Delegación de Lugo de devandita Consellaría.
Neste momento de emerxencia social, participo en LUGONOVO, xunto con outras/os compañeiras/os para facer reais outras formas de gobernar.

Xohán Rompe García González

Xohán Rompe García González

Número 9

Novos tempos para Lugo, con transparencia e sobor de todo con Participación dos cidadáns.
Novos tempos contra o paro, contra a corrupción, contra a pobreza,
Novos tempos contra os desafiuzamentos, contra o enchufismo
Novos tempos para as mulleres, a para a terceira idade, para a mocedade sin tutelas.
Novos tempos para a nosa identidade cultural, para a igualdade e a integración social.
Novos tempos para un medioambiente sostible.
Novos tempos para un urbanismo racional, uns novos servicios públicos.

Matilde Quiñoa Iglesias

Matilde Quiñoa Iglesias

Número 10

Ó longo da miña estanza en Madrid, estiven facendo voluntariado como asesora xurídica das persoas inmigrantes en situación de irregularidade. Feito que me levou, a día de hoxe, a continuar con este labor en Lugo. Ademais do ámbito xurídico, a miña carreira profesional estivo centrada no marco da cooperación e desenvolvemento, destacando as tarefas desempeñadas como técnica de proxectos en comunidades rurais de Honduras e Chile.
Ditas inquietudes, sumadas á necesidade dun cambio político e social do contexto actual, leváronme a tomar a decisión de querer ser parte actora deste proceso.

Francisco Rodriguez Lestegás

Francisco Rodriguez Lestegás

Número 11

Nacido en Foz hai 63 anos, vive en Lugo desde que comezou a súa actividade profesional, hai uns 40 anos. Na actualidade é Catedrático de Universidade e Decano da Facultade de Formación do Profesorado da Universidade de Santiago de Compostela (Campus de Lugo), polo que a súa biografía é fundamentalmente académica, como corresponde a unha vida dedicada á docencia, á investigación e á xestión no ámbito universitario.

José Ángel Leal González

José Ángel Leal González

Número 12

Estou farto de mangoneos por parte dos de sempre,coido que hai moito que cambiar e gañas e ilusión sóbranme. Coido que coincidimos en que os tempos son chegados.

Xosé Manuel Saa Vázquez

Xosé Manuel Saa Vázquez

Número 13

As eleccións non se gañan no reconto.Gáñanse e pérdense antes.Sabemos que gañar é sumar.Sumar para sermos alternativa real á PPSOE.Xa que logo,cómpre en todo momento seguir acumulando forzas.Nise senso Lugonovo debe ser un proceso de confluencia contínua.Arestora é necesario manter os espazos de traballo abertos.,de abstraernos do proceso estaríamos a afastarnos do obxectivo. GOBERNAR.

Silvia Pascual Estepa

Silvia Pascual Estepa

Número 14

Ha llegado el momento de dar la voz a los ciudadanos. Trabajar por un nuevo Lugo, para todos y todas. Miremos a Lugo con futuro. Por un camino hacia la estabilidad. Ahora es el momento, tu momento, nuestro momento.

Silvia Gutiérrez González

Silvia Gutiérrez González

Número 15

Cursei Filoloxía Francesa, onde iniciei a miña laboura no movimento feminista e estudantil nacionalista. Actualmente traballo no sector da hostalaría, compaxinando a precariedade laboral co desemprego e sen deixar en nengun momento o meu compromiso coa sociedade, compromiso que me levou, entre outras cousas, a militar en Anova e colaborar no CSC O Carneiro Alado. Dende o inicio apostei por Lugonovo, pois creo firmemente no asemblearismo como única vía para devolverlle o poder á cidadanía.

Mª Carmen Tizón Estévez

Mª Carmen Tizón Estévez

Número 16

Creo nunha forma distinta de facer política municipal baseada no coñecemento da realidade da nosa cidade, dos problemas, das necesidades e das expectativas dos nosos veciños e veciñas. O Concello debe estar aberto ás suxestións e os concelleiros e concelleiras estar preto da poboación a fin de percibir a problemática do lugar e aplicar as mellores solucións no menor tempo posible.

Mª del Carmen Galván González

Mª del Carmen Galván González

Número 17

Desde moi nova traballei en moitos oficios e teño catro fillos, os cales son a motivación principal pola que aqui me presento.

Nacín fai 55 anos e pasei a miña infancia na Galiza rural. Por falta de recursos vinme obrigada a estudar pouco e a distancia, conseguindo estudos medios de arte.

Mª Carmen Flores Ferreiro

Mª Carmen Flores Ferreiro

Número 18

O Lugo que quero é un Lugo sostible , verde onde se protexa o patrimonio cultural e que os servizos municipales cheguen a tódolos cidadáns indepedentemente de onde vivan .
Un Lugo onde se garantan os dereitos sociales en canto a sanidade, educación, vivenda , emprego e benestar e onde a prioridade sexan as persoas.
Por eso me presento ás primarias de Lugo Novo porque penso que é unha oportunidade de que Lugo sexa como eu penso.

Paulo Grandío Montes

Paulo Grandío Montes

Número 19

Chámome Paulo Grandío Montes e teño 28 anos. Cursei estudos de Bioloxía en Santiago de Compostela e, posteriormente, fixen un máster en Enxeñería Ambiental na mesma cidade. Tiven a sorte de coñecer outros países coma o Reino Unido ou Irlanda grazas a pequenas estancias nos mesmos, e o último ano e medio estiven vivindo en Francia.

Xosé Manuel Fernández Varela

Xosé Manuel Fernández Varela

Número 20

Nacín en Friol, (Lugo) no ano 1962. Licenciado en Dereito e Diplomado na Escola de Práctica Xurídica da Universidade de Santiago de Compostela (1980-1985). Membro do Ilustre Colexio de Avogados de Lugo, e Secretario da súa Xunta de Goberno dende 1995 a 2010. Dirixín a Asesoría Xurídica do Sindicato Labrego Galego entre os anos 1988 e 1995. Socio fundador de Xustiza e Sociedade e membro do seu Secretariado, e membro da Irmandade Xurídica Galega. Outorgóuseme o Premio “Pedro González” por parte do Consello Galego da Avogacía, en recoñecemento á súa contribución ao uso e difusión do idioma galego na Administración de Xustiza. A miña actividade profesional desenvólvese fundamentalmente nos campos do Dereito Civil, Mercantil e Administrativo.

Xoan Carlos Carreira Pérez

Xoan Carlos Carreira Pérez

Número 21

Nacin en Lugo en 1956. Son Doutor Enxenheiro Agronomo . Profesor de Enxenheria Agroforestal no Campus de Lugo desde hai mais de trinta anos. Tenho publicado dous libros e distintos artigos cientificos e de divulgacion. Fun Vicerreitor de Infraesrruturas e director da Escola Politecnica Superior e de Forestais
Militei no nacionalismo galego desde o ano 1974. Participei na posta en marcha do Sindicato Labrego Galego e na fundacion do BNG. Fun voceiro do BNG no concello de Lugo entre 1991 e 1996.

Neves Núñez Delgado

Neves Núñez Delgado

Número 22

Son Neves Núñez Delgado, nacín en Lugo hai 55 anos, crieime en Lugo no seo dunha familia humilde, fixen ata o bacharelato e dende nova xa me picaba o vermiño do voluntariado e a participación cidadá, cerca dos vinte anos marchei fora de Lugo e pasei 11 fora da miña cidade. A volta como non podía ser doutra maneira comprometinme politicamente , participei sempre en organizacións políticas, sindicais e feministas. Actualmente son unha pequena empresaria socia dunha sociedade laboral no sector do ensino privado.

Xosé Anxo Lage Suárez

Xosé Anxo Lage Suárez

Número 23

Nacín en Outeiro de rei en 1954 . Sindicalista. Funcionario da seguridade social. Concelleiro de trasnsòrtes na lexislatura 1999/2003. Afeccionado os deportes a musica e a gastronomia. A politica e a mina pasion e lugo a miña devocion, unha cidade para vivir, e disfrutar, para soñar e compartir.

Bernardino Pardo Teijeiro

Bernardino Pardo Teijeiro

Número 24

Son tres cuartos galego (Pardo, Teixeiro, Ouro) e un cuarto maragato ( Revilla), polo tanto “galego cuarterón maragato”. Os meus avós ambos de dereitas, un recadador de impostos do que aínda falan con cariño as xentes moi vellas da Ulloa, e o outro un gran estratega militar que sempre avanzaba por diante dos seus homes e deixou a vida no fronte de batalla; as miñas avoas mulleres das que defenderon a formación das súas fillas ó mesmo nivel que os seus fillos nos primeiros do século pasado. Todos eles teñen o meu respecto e admiración.

Continuar lendo

Os meus pais aportáronme todo o necesario para ser o que son e un especial exemplo de servizo á comunidade na que viviron tratando de dar outro tanto como recibiron. Foi a mellor lección que recibín nunca.
Servín no exército con Franco e co Rey e son oficial do exército español na reserva.
Casei dúas veces e teño catro fillas e un fillo, tal vez por esta proporción entendo moito mellor a reclamación dos seus dereitos e da igualdade por parte das mulleres.
Fun director dunha empresa de transporte ferroviario en Portugal (Stifa) durante un ano, presidín unha sociedade científica varios anos e un couto de caza onde tratei de defender ós coellos e ás perdices sen moito éxito. Presentei un programa na TVG (Centro médico) de divulgación médica ata que me botaron del por razóns políticas e envexa profesional; despois de acadar un éxito de crítica no meu período de presentación, o programa esmoreceu e pechou.
Dirixín as institucións non hospitalarias da provincia de Lugo, abrindo nove centros de saúde e pondo en marcha os puntos de extracción periférica de sangue en moitos deles.
Son vicepresidente de ASPNAIS, asociación dedicada á integración dos discapacitados psíquicos, e levo máis de vinte anos na súa xunta directiva. Son contertulio da SER nos derradeiros trinta anos, estou coma socio en Unicef e Adega. Pertenzo a Asociación para a defensa da sanidade pública e a Plataforma Non Grazas que propugna unha prescrición baseada en principios técnicos e éticos e lonxe das presións de Farmaindustria.
Escribín un traballo de tesiña e un feixe de artigos de opinión e profesionais, e máis de un traballo científico, que ben se poden considerar un libro. Este ano plantei máis de 300 árbores entre castiñeiros, freixos, cerdeiras e carballos.
A maiores son médico e un experto en desbrozar monte cun tractor de dobre tracción.
Como se pode deducir polo currículo, xa vou cara a xubilación.
Zita Méndez Fernández

Zita Méndez Fernández

Número 25

Son asturiana e teño 62 anos. A miña formación académica fíxena entre Oviedo e Valladolid. Traballei en Euskadi durante un tempo. e agora vivo e traballo en Lugo dende os últimos 30 anos.Antes de instalarme en Lugo definitivamente, traballei uns meses na Coruña.

Juan Antonio Lázare

Juan Antonio Lázare

Primeiro suplente

Alguen lle preguntou a Teresa de Calcuta se iba a unha manifestación contra a guerra e ela contestou: ”Cando fagades unha a favor da paz, avisádeme”. Esto vén a conto de que eu non estou contra nada nin contra ninguén. Estou a favor da xente, a favor de axudar ós parados, a favor de que ninguén pase fame na miña cidade, a favor de que a xente teña luz e auga, de que non haxa deshaucios. A favor do medio ambiente, da educación pública, da cultura, do deporte. Vótame e xuntos cambiaremos a cidade.

Jesús Ángel Gómez Vázquez

Jesús Ángel Gómez Vázquez

Suplente 3

Chámome Jesús Ángel Gómez Vázquez, teño 41 anos e preséntome ás eleccións primarias de Lugonovo con ilusión e ganas de contribuir ó necesario cambio que precisa a noso concello.

Ante a situación actual de grave crise económica e social non cabe quedar cruzado de brazos na casa senón que é a hora de actual e Lugonovo é a plataforma da xente común donde a xente da rúa e non a dos despachos podemos crear un proxecto ilusionante. Son xove en política pero cheo de ilusións e ideas para que o noso concello sexa o concello de todos e non só duns poucos. Por todo iso pido o voso voto